Mahakama yamuachia malinzi

KISUTU, DAR: Kesi inayomkabili aliyekuwa Rais wa TFF, Jamal Malinzi imeahirishwa mpaka Septemba 07, 2017 sababu kuu ni Upelelezi haujakamilika

Upande wa utetezi umeiomba Mahakama ya Hakimu Mkazi Kisutu itoe maelekezo mahususi kwa upande Serikali kuharakisha upelelezi, kinyume na hapo Mahakama iwasikilize na waachiwe.

Wakili wa utetezi, Domician Rwegoshora amemueleza Hakimu Mkazi Mkuu, Wilfred Mashauri kwamba wanautaka upande wa mashtaka uharakishe upelelezi kwa sababu kesi hiyo haina dhamana, hivyo washtakiwa wakiendelea kukaa ndani wanateseka.

”Mahakama itoe maelezo mahususi kwa upande wa mashtaka kwa muda mfupi, au washtakiwa wasikilizwe ikiwezekana Mahakama iwaachie.” – Domician Rwegoshora.

Baada ya kueleza hayo, Wakili wa Serikali, Vitalis akaeleza kuwa upelelezi upo katika hatua ya mwisho na muda si mrefu itaanza kusikilizwa.