Al Shababu waua Watu 12 kwa shambulio la Bomu

Shambulizi la bomu lililotekelezwa na kundi la Al – Shaabab, limesababisha vifo vya watu 12 wakiwemo wanajeshi watano katika mkoa wa Puntland.

Shambulio hilo limetokea leo katika eneo la Af – Urur lililopo karibu na milima ya Galgala kilomita 100 kusini mwa mji wa Bossaso, eneo ambalo linadhibitiwa na Al – Shaabab ambapo mwezi Juni waliuwa watu 38.

Al – Shaabab ambalo linahusishwa na mtandao wa kigaidi wa Al – Qaeda limekuwa likitekeleza mashambulizi nchini likipinga serikali inayoungwa mkono na jumuiya ya kimataifa na kutaka kuweka utawala wa sheria za Kiislaam.